अमेरिकी संसदमा फेसबुकका मालिक जुकरबर्गको पाँच घण्टा बयान-फ़ेसबुक गोपनीयताको ज़िम्मेवार को रहन्छ ?


काठमाडौं : प्रयोगकर्ताको व्यक्तिगत विवरण दुरुपयोगको आरोप खेपिरहेको सामाजिक सञ्जाल फेसबुकका मालिक मार्क जुकरबर्गले मंगलबार पहिलोपटक अमेरिकी संसदको सामना गरेका छन्।
जुकरबर्गले प्रयोगकर्ताको गोपनीयता, डाटा माइनिङ, नियमन तथा क्याम्ब्रिज एनालिटिका लगायतका विषयमा अमेरिकी सिनेट र न्यायीक समितिका सदस्यहरूले सोधेका प्रश्नहरूको जवाफ दिएका थिए। उक्त सुनुवाई पाँच घण्टा चलेको थियो।

मार्क जुकरबर्ग। फोटोः सिन्ह्वा/रासस

लाखौं फेसबुक प्रयोगकर्ताको विवरण एउटा राजनीतिक परामर्शदाता कम्पनी एनालिटिकाले प्रयोग गरिरहेको भेटिएपछि फेसबुक विवादमा तानिएको छ। राजनीतिक लाभका लागि केम्ब्रिज एनालिटिकाले गलत तरिकाले फेसबुक प्रयोगकर्ताको सूचना लिएको तथ्य सार्वजनिक भएपछि उनलाई अमेरिकी सिनेटले बयान लिएको हो।
जुकरबर्गले फेसबुकमा सेयर गरेका सूचनाहरू कसरी प्रयोग गरिन्छ भन्नेमा प्रयोगकर्तालाई स्पष्ट जानकारी दिनुपर्नेमा आफू विश्वस्त रहेको बताए। ‘त्यसैले हरेक पटक तपाईँ फेसबुकमा चाहे फोटो सेयर गर्नुस् वा म्यासेज नै, त्यहाँ कोसँग सेयर गर्ने भनेर कन्ट्रोलको अप्सन राखिएको छ’, उनले भने, ‘तपाईँ त्यो जुनसुकै बेला परिवर्तन गर्न सक्नुहुन्छ।’ उनले लामो प्राइभेसी पोलिसी (गोपनीयता नीति) बनाउँदा मानिसहरूले नपढ्ने भएकोले बुझिने गरी फेसबुकले प्राइभेसी पोलिसी बनाएको जिकिर गरे।
एक सिनेटरले जुकरबर्गलाई व्यक्तिगत प्रश्न सोधे। ‘तपाईँ हिजो राति कुन होटेलमा बस्नुभएको थियो भन्न सक्नुहुन्छ?’, उनको प्रश्न थियो।
‘म सार्वजनिक रुपमा भन्न चाहन्न’, जुकरबर्गको जवाफ थियो, ‘मलाई लाग्छ हरेक व्यक्तिले आफ्नो सूचना कसरी प्रयोग भइरहेको छ भन्नेमा नियन्त्रण राख्नुपर्छ।’

जुकरबर्ग। फोटोः सिन्ह्वा/रासस
जुकरबर्गले क्याम्ब्रिज एनालिटिका नामक कम्पनीले फेसबुक प्रयोगकर्ताको व्यक्तिगत विवरण प्रयोग गरिरहेको बारे बेलैमा उसलाई बन्द गर्न नसकेको स्वीकार गरे। ‘हामीले उनीहरूको कुरा पत्यायौँ र केस सकियो भन्ठान्यौँ’, उनले भने, ‘हामीले अहिले हाम्रो नीति परिवर्तन गरेका छौँ र पुनः यस्तो कमजोरी हुन नदिने विश्वास दिलाउन चाहन्छौँ।’
फेसबुकले विज्ञापनकर्तालाई प्रयोगकर्ताको विवरण विक्री गर्छ भन्ने गलत मानसिकता रहेको बताए। ‘हामी त्यसो गर्दैनौँ। हामी विज्ञापनदाताको लक्षित वर्गसम्म विज्ञापन पुर्‍याउन त्यहीअनुसारको स्थान उपलब्ध गराउने काम मात्र गर्छौँ’, उनले भने, ‘हाम्रो यो व्यावसायिक मोडेलको अपव्याख्या पनि हुने गरेको छ।’
उनले आफू नियमन हुनै हुँदैन भन्ने पक्षमा नरहेको बताए। ‘इन्टरनेट मानव जीवनको महत्वपूर्ण पाटो बनिसकेको छ, त्यसैले नियमन हुनुपर्छ कि पर्दैन भन्दा पनि सही नियमन के हो भन्ने बास्तविक प्रश्न हो भन्ने मलाई लाग्छ’, उनले भने।
उनले फेसबुकमा हुने कुराका लागि आफू जिम्मेवार भएको बताए। प्रयोगकर्ताको तथ्यांक तथा व्यक्तिगत विवरणको दुरुपयोगमा पनि आफू नै जिम्मेवार रहेको उनको भनाई थियो। ‘यो मेरो गल्ती थियो, म माफी माग्छु’, उनले भने, ‘मैले फेसबुक बनाएँ र चलाएँ। यसमा जे हुन्छ, त्यसका लागि म नै जिम्मेवार हो।’
उनले झूठा समाचार, निर्वाचनमा वैदेशिक हस्तक्षेप, कसैप्रति द्वेष फैलाउने सामग्री र तथ्याकंक नीतिसम्ब्नधमा काम गर्न धेरै बाँकी रहेको स्वीकार गरे।
राजनीतिक लाभका लागि क्याम्ब्रिज एनालिटिकाले पाँच करोड फेसबुक प्रयोगकर्ताको विवरण लिएको र ती विवरण अमेरिकी राष्ट्रपति डोनाल्ड ट्रम्पको चुनावी अभियानमा प्रयोग गरेको बताइएको छ।

आफ्नो प्रतिक्रिया दिनुहोस |
सम्बन्धित शिर्षकहरु
  • नेकपा : बाँच्‍नका लागि एक मात्र बाटो
  • आदिवासी जनजाति महासंघ बुसानको अध्यक्षमा रण ब्लोन तामाङ
  • कोरोना भाइरस:भ्याक्सिनमा सफलता मिल्यो-अक्सफर्ड विश्वविद्यालय
  • कसरी बाँच्छ कम्युनिस्ट पार्टी ?
  • New Update

    Arts

    साँच्चै हामी केका लागि पो लडेका थियौं ?

    सन् १९१७ मा भएको अक्टोबर क्रान्तिमा लालसेनाले बोल्सेविक नेतृत्वलाई सोधे– मलाई भन्नुहोस् म केका लागि लड्दैछु ? कास्तान्पिनोपल अथवा स्वतन्त्र रसियाका लागि ? प्रजातन्त्रका लागि ? वा ...

    प्रदेश सरकारले “परेवाभीर” लाई उपेक्षा गरे पछि माननीय प्रदिपको कविता आयो

    सन्दर्भ बिकासको हो । राक्सिराङ गाउँ पालिका अन्तर्गत पर्ने परेवाभीर सडकमा बागमती प्रदेश सरकारले बजेट विनियोजन नगरे पछि कविता मार्फत माननीय ओम ग्लान(प्रदिप)ले राज्य प्रति आक्रोस पोख्दै ...

    नवराज विक,सुर्य तामाङ,राजु सदाहरूको दुस्मन को ?

    राजुलाई मार्ने दुस्मन को हो ? यो दुस्मनको रूप, स्वरूप कस्तो छ ? युग पाठक यो लेख धेरैपटक बुन्दाबुन्दै उधारियो । पछिल्लोपटक उधारिँदा भेरीको किनारमा उभिएको थिएँ म र भेरीको प्रवाहमा बगेका ...

    Entertainment

    गायक सुर्य रुम्बाको ‘दुई शब्द’लेे दुनियाँलाई मोहित पार्यो (भिडियो सहित)

    दक्षिण कोरिया/शौल । गायक सुर्य रुम्बाको ‘दुई शब्द’ बोलको गीत बजारमा आएको छ । उक्त गीतले दुनियाँलाई मोहित पारेको हो । शुक्रबार अफिसियल रुपमा ...

    महासंघले कार्यक्रमकको आर्थिक विवरण सार्वजनिक

    दक्षिण कोरिया/सिउल/ गत 24 जनवारी 2020 मा "सउल सांगीतिक साँझ'' तथा कोरोना महामारी रोकथाम सामग्री PPE अभियानको आर्थिक प्रतिबेदन नेपाल आदिवासी जनजाति ...

    सुष्मा रानाहँमाको कविता- “सिमा”

    "सिमा" ✍️सुष्मा रानाहँमा समयले कोल्टे फेर्छ भन्थे तर किन गिज्याई रहेछ आफ्नै सिरानीले समाचार पढ्छु देशको लामो सुस्केरा आऊछ अनायास यति ...

    Video